Plágan!

Ég hef undanfarna mánuði borgað aukalega inn á íbúðarlán mitt til að létta mér róðurinn og reyna að lækka lánið aðeins hraðar.  En núna get ég ekki borgað aukalega inn á íbúðarlánið mitt því það hefur hækkað í kjölfarið á hækkun stýrivaxta undanfarna mánuði.  Ég á ekki von á að lánið lækki á næstunni því Seðlabankastóri er alltaf að hækka stýrivexti og gera fólki eins og mér illkleyft að borga aukalega inn á lánið.  Í ofan á lag talar hann um sparnað sem ég er sammála honum um en staðan er bara þannig á meðan hann er alltaf að hækka stýrivextina er alltaf erfiðara fyrir mig að spara með mínar tekjur.  Er ekki kominn tími til að Seðlabankastjóri sýni gott framtak og lækki vextina svo ég geti sparað?  Eða ætlar hann að vera í sinni kúlu og lifa áfram í sínum heimi án þess að vera í takt við fólk eins og mig?  Í raun finnst mér Seðlabankastóri vera meiri plága en covid-19 en því miður er ekkert lyf til að koma í veg fyrir vírusinn sem seðlabankastjóri er.

Bitvargur!

Nýlega fór leikur fram í 3 deild karla í fótbolta.  Þar mættust Kári frá Akranesi og Kormákur/Hvöt úr Húnaþingi.  Á 22 annarri mínútu leiksins féllu tveir leikmenn innan vítateigs Kára.  Annar úr liði Kára og hinn úr Kormáki/Hvöt en þá gerðist hið óvænta!  Það sem gerðist að bitvargur varð laus og beit einn leikmann Kára sem þurfti svo að fá stífkrampasprautu miðað við fréttir.  Bitvargurinn reyndist vera þegar upp var staðið leikmaður úr liði Kormáks/Hvatar.  Svona háttsemi er ólíðandi og á að taka fast á þegar upp kemst.  Spurning mín er sú hvort ekki þurfi að hafa meindýraeyði á staðnum til að taka á bitvargi um leið og hann birtist í hvaða leik sem er?